تحدثت الفنانة آمال ماهر عن جدل لقب «صوت مصر»، وعلقت على فكرة إطلاق الألقاب على الفنانين، وقالت: «مش بحب الكلام في موضوع لقب (صوت مصر) أو أنا رقم واحد، أنا ممكن أكون رقم واحد عندك إنتي وممكن أكون ولا حاجة عند حد تاني، بأي حق أقول أنا رقم واحد وأنا معرفش صوت إيه، بأي حق!».
وأضافت آمال، خلال لقائها في برنامج «أجمد 7»: «الناس هي اللي بتقيمك وتحطك في المكان اللي عايزة تحطك فيه، الجمهور هو اللي بيدي لقب للمطرب، أنا بحب اسمي جدا بالنسبة، ليا اسمي إن الناس حباه وعارفاه ده حاجة أتشرف بيها، كون أن الناس بتلقبك دي حاجة هما شايفنها وهي حاجة مش وحشة، بس حاجة هما شايفينك فيها، هم شايفينك في حته وحاطينك فيها ودي حاجة بتزودك مش بتنقصك بالعكس دي مرايا بتعكس قد إيه هما بيحبوكي بس هما اللي يقولوا ده».
وعن أقرب الألقاب إلى قلبها، قالت ماهر: «ألقاب كتير اتقالتلي بس اللي أنا عارفاه أنا بحب اسم آمال ماهر، الناس بيقولوا لي (أميرة القلوب)، هحتاج تاني إيه أكتر».